Resumo Tema 1: Que é a ciencia?

 

COÑECEMENTO CIENTÍFICO

Os coñecementos científicos son produto dun razoamento distinto ao de o coñecemento ordinario, xa que estes coñecementos obtémolos estudando datos científicos.

As características da ciencia son as seguintes:

1. Emprega unha linguaxe rigorosa e precisa.

2. É un conxunto de enunciados que se agrupan nun sistema.

3. É un proceso que sempre está en revisión. 

4. Elabora coñecementos que deben ser contrastables.

5. Elabórase de acordo co método científico.

TIPOS DE CIENCIA

Non todas as ciencias son iguais, podemos agrupalas en:

 1. As ciencias formais son aquelas que non poden comprobarse experimentalmente na realidade. 

 2. As ciencias empíricas si teñen un correlato real no mundo. Poden comprobarse, o coñecemento provén de fenómenos observables. Divídense en:

       2.1 As ciencias sociais estudan o comportamento humano e as sociedades.

       2.2 As ciencias naturais (física, química, bioloxía) estudan fenómenos naturais, incluíndo a vida.

CIENCIA E PSEUDOCIENCIA

Chamamos pseudociencia a unha afirmación ou crenza que aínda que se presenta como científica non está demostrada nin se basea nun método científico válido. As afirmacións da pseudociencia acostuman a ser vagas e imposibles de demostrar.

Un exemplo moi claro de pseudociencia é a astroloxía, que relaciona as características dunha persoa co seu signo zodiacal. As persoas que estudan a astroloxía defenden que a posición dos astros o día que naces inflúe na túa personalidade.